February 02, 2025, 06:08 PM: Dimapur III laga resident khan, eneka hey raasta biya condition ke endure kuri kena ahi asey, political leader khan papra bar bar kosom khan khai khai kena ahi ahi kena bhi, bishi saal para. Raasta khan tey gudda khan thaka toh bishi chinta laga kotha thaki kena asey agey para, aha jawa kuria manu khan ke hudai dikdari di kena aru kitya ki hobo itu khan laga safety eku nathaki kena.
Local manu khan ekdam alci hoa laga janaishey, eneka nishina same kosom khan khawa laga, poila laga saal khan tey, kuntu khan toh hoiley kitya bhi pura kuria nai. Itu hoa nimitey business khan kuria tey bhi dukh pai asey, delivery khan kuria tey raasta biya hoa para diri diri hoi jai kena bishi bar aru raasta khan biya hoa para, saman bukha gari khan bhi daam olop bishi manga shuru hoi jai kena. Leader khan para itu Dimapur III laga manu khan ke assure kuria para, manu khan toh hoiley itya bhi rukhi asey, itu raasta khan banaboley laga kaam toh hobo naki koi kena aru aru ekta lasting kuria laga solution ani dibo koi kena, itya lag aitu problem khan laga.
Add Comment