September 07, 2025, 08:16 PM: DNYO Para 60 saal laga Naga manu ke, ekta Non-Naga para mara laga highlight kurishey, Diphupar Bosti tey. Itu galti kuria manu laga naam toh hoiley Gotam Tati asey, tai toh 48 saal laga manu asey, Diphupar Bosti tey ghor thaka laga. Tai toh hoiley tai laga parivar logotey itu bosti tey thaka toh 38 saal hoi jaishey, mistry hisap kaam kuri kena thaki thaka manu ekta asey. Itu ghatna toh hoiley 6:30 PM shaam tey hoa laga thakishey, September 6th tey. Itu hoa jani kena DNYO para itu galti kuria manu ke bisara shuru kurishey aru tai ke dhurishey. Manu khan bishi gusa para jama kuria kena, itu galti kuria man uke tai khan haath tey di diboley demand kuri thakishey. DNYO para 4 resolution khan adopt kurishey; Permanent para itu galti kuria manu ke tai laga parivar logotey milai ken aitu Diphupar bosti tey para ulai diboley laga. Itu galti kuria manu laga family toh, itu victim laga medical expenses khan toh diboley lagibo koishey shuru para bhal nahoa tak. Judi itu victim toh kiba hoishey koiley itu jokhom hoa para itu galti kuria manu toh hey accountable hobo koi kena janaishey. DNYO para itu galti kuria manu ke Police laga custody tey rakhiboley demand kurishey, Non-bailable charges khan logotey, victim toh pura puri recover nakuria tak tey. Victim toh hoiley matha tey jokhom paishey aru tai ke Hospital tey admit kuria laga thakishey, mar khai kena johom hoa pichetey, DNYO laga President para koishey.
Diphupar Assault Case: DNYO Para 4 Resolution Khan Adopt Kurishey; Galti Kuria Manu Ke Bosti Para Khidai Dishey
Add Comment