Diphupar bosti council public rally kurishey, taxation, extortion etc laga against tey

August 25, 2024: Hundred hundren manu khan sob alag alag kisim laga khan itu public rally tey join kurishey, Diphupar Village Council (DVC) para organise kuri kena, “unabated taxation, extortion, kidnapping aru dhamki mari thaka laga against tey, citizen khan ke, aru leader khan ke”, itu nimitey, rally kurishey, Saturday tey. Itu rally kuntu toh hoiley Airport Junction para shuru kurishey, itu toh hoiley Green Park Junction tak jaishey aru itu Agri Expo Gate tey punchi kena khotom kurishey, kotey ekta formal programme toh hoiley loishey. Placard khan bukhi kena, kuntu khan tey toh hoiley – “Enough is enough”, “Let public live freely”, “Gun culture not tolerable”, “One government, One tax”, “Say no to extortion”, khan likhi kena thakishey, itu rally kuria manu khan itu programme pichetey, ekta six-point memorandum submit kurishey, itu Chumoukedima laga Deputy Commissioner ke. Shuru shuru tey itu rally tey, Agri Expo tey, DVC chairman Ghuzui Shohe para koishey ki, Nagaland toh hoiley itya taxation laga land hoi jaishey koi kena, 25 para 26 faction khan nishina para tax khan impose kuri thaki kena sob ke bhi, kun ke bhi nachari kena. Tai para koishey ki faction khan itya toh hoiley citizen khan bonduk khan dikhai kena dhamki mara bhi shuru hoishey sob jaga khan tey. Itu ajikali laga ghatna laga kotha koi kena koishey, ki, Diphupar bosti jurisdiction laga under tey – grocery dukar laga malik ke kidnap kurishey aru dhamki dishey, Diphupar laga Naga Youth Organization (DNYO) laga president ke, itu chairman para koishey ki, itu community toh hoiley bishi para dukh pai asey, aru itu bishi khushi napawa para awaz uthaboley laga hoi jaishey, itu nishina faction khan laga kaam khan bear kuri kuri ahi kena.