Nagaland

Diploma In Computer Application (DCA) Course Laga Launching Program Loishey

October 14, 2023
6 Views
October 13, 2023 : Itu Beti Bachao Beti Padhao scheme laga under tey, Kohima laga District Administration para itu District Hub for Empowerment of Women, Kohima logotey collaborate kuri kena, 40 students khan ke sponsor kurishey, Diploma in Computer Application (DCA) tey. Itu program toh hoiley launched kuria toh hoiley, first batch nimitey asey, October 13th, 2023 tey, itu DBDB laga Hall, DC Office Kohima laga tey para.
Deputy Commissioner – Mr. Shanavas C (IAS), para itu computer courses laga significance opor tey stress kurishey, aji kali laga digital duniya tey, itu applicants khan ke urge kuri kena, ki, khali certificate nimitey nahoi kena bhal para shkhiboley focus kuriboley koishey. Tai para dedication aru hard work ke encourage kuri asey, khali job paboley he aim kuria ekla nahoi kena, kunba din tey employer bhi hobo pariboley.
Pioneer Institute laga Managing Director – Mr. Kiviboto Shequi para highlight kurishey, itu DCA laga course laga importance laga opor tey. Tai para mentioned kurishey, Pioneer Institute laga partnership laga, NEILIT Kohima logotey thaka laga barey tey, aru itu para itu applicants khan toh hoiley additional certificates paboley asey, NEILIT para course offer kuria para.