Kohima, 30 July: Directorate of Higher Education para jai thaga Director, Dr. I .Anungla Aier & Addl. Director, Dr. Watijungshi ke hisaab korikena 29th July 2019 deh farewell programme loise. Programme toh conference hall, Directorate of Higher Education, Kohima deh loise.
Event deh Minister, H & TE, Temjen Imna Along koise, farewells toh mondukh hobole nohoi kena kushi manibole laga samai ase. Tai koise, jai thaga tuita offers logode kaam kora toh hotai phal thakise. Tai jun ke better ideas, suggestions, better view points, knowledge aro intellectuality thakise.
Tai para putli howah ke biswaas koribo napari aro agae jai thaga toh ekta challenge ase koise. Education laga Department toh serious hobo lagi koikena tai para sob ke nejor laga kaam toh thek para korikena nejor para saboot dekhaidebole koise.
Jai thaga Director, Dr. I Anungla Aier para tai laga speech deh ‘The more I learn, the less I know’ koise aro tai para etu kotha para tai laga jevaan deh retire howah bechide guide kori thakibo koise. Aier para department ke ektum kushi powah janaishe kelay koile tai ke development deya nemide. Tai para officers aro staff khan ke students aro state deh laab pabo nemide kechara nakori kena kaam kori thakibole koise.
Jai thaga Additional Director, Dr. Watijungshi para tai laga speech deh tai experience howah aro giyaan powah opor deh kowah thakise. Tai para grand farewell programme nemide officer aro staff ke ektum kushi powah janaishe aro tai para be thanks janise tai ke hotai motob dekena thaga nemide. Tai para team work toh mon dekena phal para kori thakibo nemide janise.
Short speeches Jt. Director, HE, Menuokholie Kire aro Principal, My.Tiyi College, wokha, Dr. Apeni Lotha para be deya thakise.
Add Comment