New Delhi, February 25 : Director Kumar Shahani, kun ‘Char Adhyay’ aro ‘Kasba’ nisna film banaisey tai tu February 24 te Kolkata te murisey. Tai tu Kolkata laga Dhakuria lag ate thaka AMRI hospital te admit hoikina thakisey. Tatey tai umar logotey jurikina thaka problem nimitey murisey. Etu news tu actor Mita Vashisht para confirm kurisey. Kun directoe Kumar Sahani logotey ‘Vaar Vaar Vaari’, ‘Khayal Gatha’aro ‘Kasba; nisna milm nimitey collaborate kurisey.
PTI ke kota kurikina, Mita Vashisht para koisey, “Tai tu February 24 laga rati 11 pm fale Kolkata te umar logotey jurikina thaka problem nimitey murisey. Tai laga halat tu bisi biya hoi thakisey. Amikhan tu tailag aparivar logotey sambandh te thakisey. Kumar aro ami tu bisi kotha kuri thaksiey aro ami jani thakisey ki tai lag ahalat biya asey. Aro ami tu hospital aha juwa kuri thakisey.”
Tai para enaka bi koisey, “Ami tu taikey ekta manu aro ekta filmmaker laga roop te bisi admire kuri thakisey. Tai tu amikhan laga desh laga ekta sobsey mahan director thakisey. Samaj, art, cinema fale tailaga imandari aro bhabna kuribole pariya lag atarika tu kun logotey bi match kuribole napara laga asey. Tai laga film khan tu inspire kuridiya laga thakisey.”
Mita Vashist para tailaga social media te Shahani laga ekta post bi share kurisey.
Shahani tu tailaga maiki aro duijun chukri logotey buhi thakisey. Tailaga antim sanskar tu Sunday(February 25) te kurisey. India laga parallel cinema te taikey ekta important manu mani thakisey.
Add Comment