DIMAPUR,NOVEMBER 20,2019: Deputy Commissioner Dimapur, Anoop Kinchi, IAS, kun NEPEX Dimapur district laga responsible office bi ase koishe ki disaster toh rukhabole naparile bi komti kuribole paribo aro koishe “Best option komti kuribole nimete tayari kurikena thakibole lageh.Tai para table top exercise t20th November 2019, DC’s conference hall, Dimapur te luwa time te koishe etu bi NSDMA para sob district ke khobor diya pichede mock drill, lobole nimete etu bi bishi biya mousam thaka time te bi.Etu exercise samay te Anop para sob officials khan ke matikena etu exercise toh thik para lobole janaishe disaster huwa time te thik para tayar kurikena thakibole nimete .
Dimapur 27th October flood situation te kotha kura time te tai para sob officials khan ke 21st November te ekta realistic drill kuribole koishe aro koishe enika mockdrills para district para enika situations khan thik para sabole paribo enika disaster khan hoishe koile toh.
ADC Dimapur, V. Lovitoly Sema kun etu mock exercise laga incident commander thaka para koishe NEPEX toh hudai sal loi machineries aro state laga tayari kinika ase sabole nimete disaster huwa time te .Tai para aro bi mock drill time te ki ki activities khan lobole ase etu uporte bi kotha kurishe .Tai aro bi khobor dishe ki sob resources khan toh station te thakibole lageh staging area, Badminton stadium Dimapur, opposite DC’s office te aro sob manu khan etu exercise te thaka toh tai khan laga roles aro responsiblties thik thak thakibole koishe etu mock drill bhal para lobole nimete .Aro bi Dimpaur laga public khan ke bhui nakhabole kotha kurishe mock drill laga siren toh 9:45 am te buja bole thaka nimete.
Add Comment