Agencies: Walt Disney World te jai thaka passenger van toh accident hoishe para jai thaka. Louisiana Pentecostal churchlaga dozen parishioners khan north Florida para Walt Disney World te jai thakishe. Hoile bhi Avoyelles House of Mercy group toh tai khan laga destination toh punchibo na para hoishe.
Thursday saam te van te thaka passengers khan laga trip toh Gainesville, Florida te he khotom hoishe. Etu van toh Interstate 75 te panchta gari crash huwa te lagishe. Etu accident te saatta manu murishe aro atta manu jokom hoishe.
Authorities koishe mura manu khan para panchta pessengers khan toh church van te thakishe. WCJB koishe Friday te Florida Highway Patrol para mura manu khan laga identify kura te Joel Cloud, 14, Jeremiah Warren, 14, Cara Descant, 13, Brieana Descant, 10 aro Cierra Bordelan, 9.
Duita truck drivers, Steve Holland, 59, aro Douglas Bolkema, 49, bhi etu crash te murishe.
Kevin Cox, Louisiana district laga United Pentecostal Church Superintendent koishe Pastor Eric Descant laga maiki Karen Descant toh saatta ribs biya hoishe aro collarbone bhi bangishe. Descants toh etu crash te tai khan laga grandchildren te haraishe.
Crash witness kora khan para koishe crash laga bishi dangor awas hunishe aro rasta te bishi mura aro jokom huwa manu khan thakishe.
Thursday te 4 p.m. agote dangor truck aro midsize sedan north te jai thaka, I-75 te collide kurishe.
Add Comment