Kochi, 12 June : Former Kerala footballer TK Chathunni, kun ekta renowned coach nishna nijor laga naam panaishey, olob deri bimar thakia piche Wednesday dey 75 laga umar dey murishey, All India Football Federation kuishey. Tai toh 1960s aro 1970s homoi ekta top-rated defender thakishey India karney Kuala Lumpur dey Merdeka Tournament 1973 homoi bhi khilishey. India karney six international matches dey feature kurina, tai EME Centre (Secundrabad), Vasco Club (Goa) aro Orkay Mills (Mumbai) nishna club khan karney bhi khilishey, National Football Championship dey Santosh Trophy karney Services dey feature kuria alawa.
Huilewi tai nijor karney naam panaa toh coaching dey thakishey, IM Vijayan, Bruno Coutinho aro Jo Paul Anchery nishna former greats khan laga talent ke ulai dia karney credit paina.
Ekta coach nishna, tai para Mohun Bagan ke taikhan laga maiden national league title jitiwoley motut kurishey, kuntu piche dey NFL, 1997-98 season homoi.
Tai desh dey sobse bishi clubs ke coach kuria laga distinction dhuri asey, FC Kochin, Salgaocar FC, Dempo Sports Club aro Churchill Brothers nishna clubs khan.
Tai Kerala Santosh Trophy team, Kerala Police ke bhi coach kurishey.
November 24, 2024
World's First and Only Nagamese Newspaper
Add Comment