Kohima, 12 February 2026: Ekta lead Deputy Commissioner Kohima, B. Henok Buchem pra lead kura, District commandant HG, CD & SDRF, Wopenthung lokot; Nodel Officer DDMA, Thejangulie Zao aro President southern Angami youth organization (SAYO), Zasitsolie Beio, taikhan ekta aerial survey conduct kuri shey 11 february 2026 te forest fire situation assess kuribo leh Dzukou Valley aro Mt. Japfu, Kohima te. Survey pra jani paishey ki southern, eastern aro western aro adjoining mountain ranges Dzukou Valley laka already significantly jula dikhi paishey, hoileh b eku active flames toh nai except residual smokes isolated jaka khan te. Hoileh b active jui toh currently concentrated ase northern face te mt. Japfu around te, ekta serious risk dhuri ase spread hubo leh Mt. Kahu agae te aro wapas julibo leh Dzukou Valley la unburnt jaka te through dense pine jongol.
Ekta particular concern toh Kigwema mountain slope ase, kun toh heavily forested ase lamba, suka ghas khan pra. Significantly increase kureh risk crown fires laka, embers gira aro secondary ignition potentially rapid aro uncontrollable fire spread te lead kuribo. Extreme inaccessibility terrain, steep slopes karne aro motorable access komti karne, ground-based firefighting operation toh feasible nahoi critical zones te. Situation la view te aro potential ecological aro environmental impact laka, team pra immediate deployment Indian Air Force helicopters la recommend kuri shey Bambi Buckets lokot aerial water-dousing operation kuribo leh further escalation forest fire la rukhabo leh. Ekta fire DIPR pra b Dzukou visit kuri shey nuksan document kuribo leh forest fire pra kura kun toh January la last week te shuru hoishey aro continue hoi ase echa tak julibo leh.
Add Comment