June 19, 2024 : Itu District level Coordination Committee para Dimapur District under tey, Municipal/ Town Council Election 2024 laga peaceful conduct nimitey, kuntu toh hoiley DC laga Conference Hall tey para loishey, Dimapur laga, 18th June, 2024 tey.
Deputy Commissioner, Dimapur, Dr. Tinojongshi Chang, NCS, kun toh hoiley itu committee laga convenor asey, tai para itu meeting tey chair kurishey. Tai para emphasize kurishey, ki, itu meeting toh hoiley itu State Election Commission laga directive hisap tey loishey. Tai para tai laga gratitude express kurishey, itu Gaonburas (GBs)colony chairmen, aru recognized political parties laga representatives logotey, tai khan laga participation nimitey.
Chang para itu GBs/ Chairmen khan ke request kurishey, itu sanctity uphold kuriboley, tai khan laga office laga aru impartial thakiboley koishey, alag alag political party khan nimitey, aru conscientiously thaki kena kaam kuriboley koishey. Tai para ensure kuriboley laga importance bhi stress kurishey, ki, itu campaign kuria homoi toh hoiley adhere kuri kena jaboley aru itu itu GB khan ke request kurishey, administration ke inform kuri kena thakiboley judi kiba issue khan ulaishey koiley, law aru order maintain kuriboley karney.
DimapurPolice laga Commissioner, Kevithuto Sophe, IPS para itu GBs/ Charmen khan aru political party khan ke request kurishey mili kena kaam kuriboley, itu administration logotey, aru itu police logotey, eneka hoiley itu election toh hoiley shaanti para jaboley paribo koishey. Tai para itu bhi emphasize kurishey, itu kuntu kuntu Kuriboley lagey aru Nakuriboley lagey, itu candidate khan aru political party khan nimitey guidance thaka tey, itu toh observe kuribo ekta election laga announcement kuria para itu election process toh complete nakuria tak.
ADC & Returning Officer, East Dimapur Town Council, Mhalo Humtsoe, para itu political party khan ke request kurishey, single use plastic khan nachulaboley koishey, itu upcoming election laga homoi tey, aru itu laga jaga tey, kapra laga banner khan aru paper poster khan chulaboley koishey, aru tai khan ke itu poster khan aru banner khan toh government laga property khan tey dhaliboley manna kurishey.
Dimapur Police laga Commissioner, Administrator, DMC, Additional Deputy Commissioner, HQ, 1(one) Representative khan sob Political Party khan para ekta ekta Dimapur District under tey, 1(one) Representative GB/ Chairman para ekta ekta Dimapur Municipal Council aru East Dimapur Town Council para toh hoiley tatey present thakishey itu meeting laga homoi tey.
Add Comment