July 14, 2025, 05:32 PM: Mon District para tai khan laga 9th District Level Coordination Committee (DLCC) meeting loishey, National Tobacco Control Programme (NTCP) under tey, 11th July, 2025 tey, Deputy Commissioner laga, Conference Hall, Mon tey. Deputy Commissioner, Mon, Wennyei Konyak para itu meeting chair kurishey. Tai para 19 School khan ke congratulate kurishey kuntu khan toh ajikali Tobacco Free School koi kena declare kuri kena asey aru certificate bhi pai kena asey. Itu DC para koishey ki, tobacco toh hoiley irritate kuria laga substance asey, kuntu toh hoiley bishi dikdari asey manu khan chariboley. Tai para koishey ki, itu toh hoiley bishi encourage kuria laga ekta asey ki, bishi school khan aru college khan toh hoiley Tobacco Free School zone declare kuria laga. Tai para tatey jama kuria manu khan ke appeal kuri asey itu tobacco chulawa laga disadvantage khan aru itu laga effect khan, parivar khan aru society khan tey. Dr. Esther Chophy Ngulli, NTCP Mon para NTCP activity khan laga ekta glimpse dikhaishey. Tai para itu bhi highlight kurishey ki, ajikali hey 19 school khan ke Tobacco Free School koi kena declare kuri di kena asey. Tai para Enforcement Drive opor tey kotha kurishey, COTPA 2003 majbut kuriboley, itu district tey aru official khan ke request kurishey, especially Police Department ke, itu civil Society khan ke aru general public ke, Enforcement Drive nimitey cooperate kuriboley karney.
District Level Coordination Committee Meeting Loishey, Mon District Tey
Add Comment