District Level Dakshata Training Khotom Hoishey, Longleng District Tey, Healthcare Provider Khan Nimitey

September 30, 2024, 04:40 PM : Ekta teen din laga DAKSHATA training conduct kurishey, District level tey, Health care provider khan nimitey, kuntu toh hoiley Longleng laga District Level tey conduct kurishey, 25^th para 27^th September, 2024 tey. DPO (RCH/UIP) Dr. Imtijungshi para tai laga welcome address tey, itu importance aru aim khan opor tey kotha kurishey, itu training laga, kuntu toh hoiley maternal aru notun para jonom kuriboley bacha khan ke care kuria laga quality toh improve kuriboley, bacha jonom hoa homoi tey aru pichetey. Itu training laga resource person khan toh Dr. Dennis Chingpen (SMO) OBGY aru Lily Phom Staff Nurse thakishey dui jon bhi itu Longleng District Hospital para laga thaki kena. Itu training laga goal khan aru objective khan toh hoiley maternal aru notun para jonom kuria bacha khan laga care ke aru phat para postpartum homoi laga improve kuria laga thakishey, competency khan aru skill khan enhance kuri di kena, kaam kuria laga staff khan laga, labour room khan tey aru ekta port- training laga ekta system develop kuri kena, follow up aru mentor kuria laga aru itu facility khan laga capacity toh majbut kuri kena, aru itu system laga bhi, itu care kuria laga quality measure kuriboley, ekta regular basis tey. Itu teen din laga training pre- post- test sessions, practice demonstration laga homoi tey, normal delivery laga, notun jonom kuria laga care aru notun para jonom kuria laga resuscitation skill practice para, model khan aru skill khan checklist kuria toh chulai kena, labour room management khan, postpartum haemorrhage (PPH), biomedical waste managements, report kuria aru record kuria toh shikhaishey, itu trainee khan ke. Itu training para focus kuria toh hoiley ama aru notun- bacha jonom kuria opor tey improve kuriboley laga thakishey, maternal aru child mortality komti kuriboley, bacha jonom kuria homoi tey aru delivery kuria laga homoi tey quality service provide kuriboley. Itu teen din laga lamba training tey, mannequins aru dummy khan chulai thakishey, demonstration nimitey, normal delivery laga. Itu participant khan toh hoiley Staff Nurse khan, ANM khan aru CHO khan thakishey, Health Unit khan para, Longleng District under tey.