Noklak, 30 July 2025: Sampooranata Abhiyan Samman Samaroh laka district-level program Tourist Lodge, Noklak te 30 July 2025 te kora hoishe. Etu program District Administration, Noklak aru Aspirational Block Program (ABP) under te organise korishe.
Deputy Commissioner P. Mono Khiamniungan sob officer aru frontline worker khan ke appreciate korise, koi dishe ki eneka success ekla ekta scheme nimite nohoi, kintu olop beshi dedication aru milikena kaam kora karone possible hoishe. Tai Thonoknyu Block ke bhi ekta inspiration koi kina mention kurishe.
Sub-Divisional Officer (C) Vikhoto Richa Sampooranata Abhiyan laka ekta overview dishe. July pora September 2024 tak campaign chola time te, block to choyta main indicator majot panchta te 100% saturation reach kurishe. Tai bujhaishe ki health, education, agriculture, financial inclusion aru infrastructure te bhal progress hobo karone department coordination, field worker dedication aru community participation laka dangor role ase.
Chief Medical Officer Dr. Victor health sector laka success story share korishe. Tai koi dishe ki house-to-house survey aru pregnancy test dia pora indicator full coverage pohchaishe. Bishi data bhi collect korishe future planning karone. TB eliminate kuribole health department suspected case identify kuri, sputum sample collect korishe timely treatment kuribole.
Program te officers aru frontline workers ke recognition dia hoishe. EAC Hq Noklak, Apuloka H Sumi program chair korishe.
Etu event to Noklak laka development goal reach kora aru grassroots level te public service delivery bhal banai thaka celebrate korishe.
Add Comment