District Level Training Loishey, Manu Khan Laga Plan Campaign Opor Tey, GPDP Opor Tey, Line Department Logotey, Kohima Tey

November 01, 2023 : Ekta district level ek din laga training session loishey, itu People’s Plan Campaign (PPC) opor tey, itu Gram Panchyat Development Plan (GPDP) nimitey, Line Department tey involve thaki kena, kuntu toh hoiley, DPDB laga Conference Hall tey para conduct kurishey, Kohima tey.

Kohima laga Sub-Divisional Officer (Civil) – Pichano Kikon para itu District Administrator para, address kurishey itu attendees khan ke aru emphasized kurishey itu PPC laga significance toh, GPDP opor tey, Line Department logotey.

Itu training tey toh hoiley duita session consist kuri kena thakishey koishey. Itu first session toh hoiley, Vilopi Angami para conduct kurishey kun toh hoiley Block Development Officer (BDO) asey aru Programme Officer (PO) asey MGNREGA nimitey, itu RD Block Jakhama tey. Tai para GPDP laga insight provide kurishey. Itu laga second session toh hoiley Assistant District Programme Manager (ADPM) – Vitsizo Semou para chulai jaishey, itu National Rural Livelihood Mission (NRLM) nimitey, Kohima laga DRDA under tey. Tai toh itu Village Poverty Reduction Plans (VPRP) opor tey focus kurishey.

Itu program tey toh hoiley ekta discussion session thakishey, kiba queries nahoiley concerns khan address kuriboley thakiley. Vote of thanks toh hoiley Kohima laga – DRDA laga Project Officer – Kevilhoubei-u para deliver kurishey koi asey.