Shanavas para HIV+ve laka infection rate tho 15 sal laka bacha kan para shuru hua tho jinta ase kui shae aro tai para concerned departments kan keh eki lokot kam kuri b kui shae awareness kan bana bo karne. Tai para etu tho aha sal deh bhal result ani bo karne kuri b kui shae. Tai para district administrations laka side para tho support pura dibo kui shae aro goal tho punchi bo karne koshish kan aro kuri b kui shae.
District deh HIV+vel aka data kinaka ase, etu Sentimongla Tzudir DPO DAPCU para kobor di shae. Tai para 8769 clients aro 2144 ANC clients kan Kohima aro Tseminya laka alak alak Stand Alone ICTCs deh test kuri shae kui shae. 8769 general clients para, 214 clients kan tho HIV+ve olai shae kui shae. Tate 119 tho mota ase aro alak 95 tho maike ase. Tate para aro 164 manu tho Kohima district para ase. @144 ANC clients para, 27 manu HIV+ve taki shae, tate 43.57% tho 25-35 years pitor deh ase, 28.63% tho 35-49 years deh ase, 19.5% tho 15-24 years deh ase, 4.98% tho 50 years kan deh ase aro 3.32% tho 1-14 years deh ase aro tate kan para 96.27% tho Sexual route para ase.
ISHTH Campaign laka kotha kura time deh, Tzudir para ek hapta laka ISTH Campaing ekta launch kuri shae kui shae Kohima laka District Jail, 20th July 2023 deh. Campaign time deh 93 clients general; check up kuri shae aro, HIV, syphilis, TB, Hep B aro Help C karne b screening conduct kuri shae kui shae.
Vitouzolie Kutso DIS DAPCU para Elimination of Vertical Transmission of HIV & Syphilis laka b presentation di shae aro Imliakum Imsong PO, AHANA oara AHANA deh kuri shae.
Add Comment