New Delhi, 3 November : Choy jon already qualify kori loi shey. Aru pancha jon laga chance bhi ase. India laga kom jana players khan bhi bhal performance dikhai ase chess World Cup te.
Host laga taraf para lead kori thaka player ase V. Pranav, juntu top players khan laga direct seed te second round te jabo ke paise taikhan laga pichete India laga highest-ranked player ase. Tai second round te sabse convincing style te pochise.
World Junior Champion thaka Pranav ke first round laga second game te sirf ekta draw lage thakise, kintu tai Algeria laga Ala Eddine Boulrens ke second bar bhi harai disey aru mini match 2-0 te jeet loise.
Tai laga sath te second round te join korise M. Pranesh, Raunak Sadhwani, P. Iniyan, Surya Shekhar Ganguly aru Karthik Venkataraman. Pranesh laga moto, experienced player Ganguly bhi Azerbaijan laga Ahmad Ahmadzada ke against perfect score te jeet loise.
Divya Deshmukh laga campaign to end hoi jaise. Itu World Cup te thaka ekmatra mahila player Greece laga Stamatis Kourkoulos-Arditis ke khilaf 0-2 te haar jaise.
Add Comment