DJ Erick Morillo morishe

New York: September 2, 2020. Erick Morillo, 90s te Dj thakishe aro tai laga I Like To Move It, gaana kora manuh toh Tuesday din Miami Beach te morikena thakishe. Tai toh 49 umer ase. Tuesday pujur te police para 911 call uthaishe koiekana spokesperson para news agency AFP logot koishe. Detectives khan para kowah toh tai mora te eku dosura beya khobor thakanai. Erick Morillo toh sexual battery charge nemite aha din court te jabole thakishe koishe. Miami-Dade Medical Examiner’s Office para tai keneka hoikena morishe saboli ase koishe. Tai toh 1971 saal te New York te jonom paishe aro Colombia aro New Jersey pithor te tangor hoishe. Erick Morillo toh pseudonym Reel 2 Real aro I Like to Move It, 1993 saal laga para tai ke manuh para janishe.  Etu gaana khan toh Trinidadian singer, Mad Stuntman logot melaikena kora ase. Aro tai toh iconic Eurodance ragga vocals hoishe. Etu gaana toh Europe desh te besi hit thakishe, aro gaana toh animated film Madagascar te ola Ben Stiller, Chris Rock aro Jada Pinkett Smith toh 2005 saal te bona ase. Morillo toh DJ hoboli parishe. Eta khobor te, maiki ekjun para tai tui jun bisna te komaishe, aro next pujur te Erick Morillo toh naked thakishe koikena maiki para koishe. Morillo para eku khobor toh nahoi koishe, hoilebi rape kit result para toh tai laga DNA logot melishe koishe.