DM: Mathura temple te mask lakabo lage

Mathura: Saturday din te officials para janaishe ke, devotees khan Brijbhumi te temple visit kora samai COVID-19 neum toh maniboli mandatory thakibo, keli koikena coronavirus cases besi othi thaka nemite. Mathura, Vrindavan, Goverdhan, Barsana aro dosura jaga te kaun manuh ke be temple pithor te mask nalakaina pithor te jaboli nathibo aro social distance manuh khan majot te thakiboli lage, koikena District Magistrate Navneet Singh Chahal para junai thishe. Tai para koishe ke, Temple pithor te surprise check koriboli soruh hoishe. Dwarkadhish temple te Parikrama devotees nemite banned korishe aro Temple pithor te jai thaka samai restriction othaishe, koikena temple laga media in-charge, Rakesh Tewari para koishe. Bankey Bihari temple te ek paar samai, kali komti devotees khan face mask lakaina pithor te jaboli thibo, koikena temple laga manager Munish Sharma para koishe. District magistrate para koishe ke, Mathura te 306 containment zones te seal kora kam toh kotom hoishe aro etu jaga pithor te jaboli tangor restriction hoikena ase. Etu jaga te essential commodities aro medicines supply koriboli arrangement korikena ase, officials para khobor toh janaishe. Agra te S N Medical College te 1 jun mora khobor paishe, etu melaikena COVID-19 bemari para 119 manuh morikena ase, koikena officials para khobor toh janaishe.