Chennai, 21 September: Ahibole Assembly bye-elections deh Dravida Munnetra Kazhagam (DMK) aro Congress para Tamil Nadu deh ekta-ekta seat deh contest kuribo. Etu time deh Congress para be Puducherry laga ekta seat deh contest kuribo.
Eu toh Election Commission para bye elections direk janaideya bechide DMK President M K Stalin aro state Congress President K S Alagiri majode meeting loikena maniya laga ase.
Stalin para media manu khan ke koise, “Election Commission (EC) para bye-elections laga direk janaishe. Congress party leader K S Alagiri aro senior leaders ami ke lok korise aro ami khan seat-sharing formula laga kotha korise.
Tamil Nadu deh DMK toh Vikravandi constituency deh contest kuribo aro Congress toh Nanguneri constituency deh contest kuribo. Puducherry deh Congress toh Kamaraj nagar seat deh contest kuribo.
Hota ke Stalin koise, Vikravandi constituency nemide kushi powah candidates ke invite kuribo aro etu bechide nominee laga nam janaidebo.Last elections deh tuita party para be etu constituencies para tinta seats jetise.
Tamil Nadu aro Puducherry deh bye elections toh October 21 direk deh lobo.
Add Comment