DNSU Para Effective ILP Enforcement Nimitey Matishey, Nagaland Tey

October 27, 2024, 06:56 PM : Dimapur Naga Students’ Union (DNSU) para toh hoiley tai khan laga transparency aru Inner Line Permit (ILP) system laga aru bhi majbut para enforcement kuriboley koa toh renew kurishey, kuntu toh hoiley Dimapur, Chümoukedima, aru Niuland districts tey implement kuri di kena asey, itu State cabinet laga decision follow kuri kena, September 11, 2024 tey. Ekta press note tey, DNSU laga president – Hinoto P Aomi aru general secretary – Michael Kath para itu government laga positive jawab ke acknowledge kurishey, aru itu Dimapur Police laga Commissioner laga proactive measure khan, suspect thaka illegal immigrant khan ke monitor kuriboley, entry point tey, itu railway station bhi milai kena. Eneka thakilebi, DNSU para chinta thaka laga express kurishey ki, ekta effective ILP enforcement system toh aru bhi pura develop kuriboley baki asey koi kena. Itu union para itu state government ke, transparency dikhaboley koishey, decision tey, ILP implantation laga regard tey, note kuri kena ki, judi bhi itu government para toh hoiley ILP opor tey notify kurishey, tai khan specific date khan aru deadline khan provide kuriboley fail hoishey, ILP application khan nimitey, kiley koiley itya laga system toh hoiley sapha saphi nai aru itu para illegal immigrant khan ke Dimapur tey free para biraboley allow kuri asey.