DNSU Para Teen Muhina Bhitor Tey Sub-Centre Relocate Kuriboley Nimitey Homoi Dishey

March 01, 2025, 06:17 PM: Dimapur Naga Students Union para District Administration, Chief Medical Officer Dimapur, Midland colony Council aru SMG Chairman logotey mili kena, ekta meeting loishey, Deputy Commissioner laga Conference Hall tey para, Dimapur laga, itu Sub health centre laga regard tey, Government Middle School, Midland colony tey. Itu media ke kotha kuri kena, Dimapur Deputy Commissioner – Dr Tinojongshi Chang para koishey ki, itu district administration toh hoiley itu DNSU ke tai khan ke teen muhina time diboley karney mangishey, eneka hoiley hey tai khan Health Centre laga relocation nimitey plan kuriboley pariboley karney.