New Delhi: medical experts laga team kun khan 20 umar maiki laga ghor manu logote jaishe aro kun ke gangrape kurikena Hathras Uttar Pradesh te medical examination ekta ghor manu laga lobole dianai kun logote Covid-related symptoms thaka nimete ekta doctor kun etu team laga part thakishe koishe family laga sob members khan covid19 test loble mananai.etu khobor toh doctor para koikena janaishe.
Tai koikena janaishe ki Etu team toh Hathras te jaikena ghor manu ke lok kuribole jaishe tai khan complaint paa pichede family member logote COVID-19 symptoms ase koikena etu te khasi aro bukhar ase.
Official para koikena janaishe ki”ami khan khobor paise ki etu family member toh bukhar aro khasi thakishe koikena.aro tai khan logote bishi manu khan aha nimete ami khan manishe tai khan logote jabole nimete tai khan laga covid test lobole nimete hoilebi family khan mananai.”
policemen, journalists aro political leaders bishi wlaa Hathras te jaishe coronavirus nimete positive test paishe.
Bishi wala politicians khan etu te Congress leaders Rahul Gandhi and Priyanka Gandhi Vadra khan etu 20 umar maiki laga ghor manu ke lok kuribole jaishe Bulgarhi area te thaka bosti te etu bi etu gang rape aro murder toh ola pichede.
Etu dalit maiki kun ke gangrape kurikena September 14 te assault kurishe tai laga jhokom para muriseh duita haafta pichede delhi hospital te.
Uttar Pradesh’s police’s para etu hadsaa toh sai ase kuntu te adha rati te funeral luwa tai khan laga ghor manu khanke nakoikena dangor chamela olaishe.
state government khan akhe para hi CBI ke chan bin kuribole nimete janaishe aro koishe Forensic Science Laboratory reports, te rape charges deny kurishe.
Add Comment