Doda gunfight deh ekta captain aro teentha soldier muri jai shae

July 17, 2024: Jammu laka Doda district deh terrorist para hamla kura tho ekta Indian Army captain aro teentha soldiers muri jai shae, Officials kan para Tuesday din deh kui shae. Etu incident tho sobse nutun hamla ase kuto etu jaka deh hui shae aro etu para jinta kan b uthai di ase, jaka tho violence laka nutun centre hui ase kui nah. Charjun, kun gunbattle deh muri shae, taikan tho etu manu kan ase kui nah identify kuri shae: Darjeeling para Captain Brijesh Thapa, Andra Pradesh laka Srikakulam para Naik D Rajesh, Sepoy Bijendra aro Sepoy Ajay, kun kan Rajasthan laka Jhunjhunu para ase. Taikan sob, 1o Rashtriya Rfiles laka counte-insurgency unit para taki shae. Etu tho third major encounter taki shae, kuteh security forces aro terrorist kan involved taki shae. Army chief general Upendra Dwivdei aro army laka sob ranks kan para mura soldiers kan keh, taikan laka tributes pay kuri shae. “Indian Army  kan bereaved kandan lokot deh kara kuri ase,” Indian Army laka additional directorate general of public information para X deh post kuri shae. Hamla deh ekta personnel b bishi bia para jokom kai shae. Defense minister Rajnath Singh para counterterrorist operations kan hui ase kui shae. “Mukan laka soldiers kan committed ase, terrorism keh hat abo karne aro region deh order aro peace restore kuri bo karne.”