Nashville, 4 March 2025: Carl Dean, country music icon Dolly Patron laka longtime mota, Monday din te muri jaishey 82 saal te. Dean, kun famously private thaki shey taila whole 60 saal shadi hoi kina Parton lokot, Nashville, Tennessee te muri jaishey, statement laka hisap te kun toh tai social media te post kuri shey. Statement enika likhi na thaki shey, Carl aro moi toh bishi bhal saal eki lokot manai shey. Khota khan pra kubo napareh moikhan kiman moron ekjun ekjun ke 60 saal te. Sop ke thanks di ase apni khan laka prayers aro sympathy nimite. “9-5” singer toh Dean ke laundromant laka bahar te lok paishey tai Nashville ahi kina first din te 18 saal singer hoi kina. Patron taikhan laka first meeting toh yaat kuri shey aro koishey, Moi toh bishi surprised aro kushi thaki shey tai moike khota kura toh, tai moila shakal saishey. Tai hosa laka b bishi interested thaki shey moike janibo leh aro moi kina manu ase.
Dui saal par hoi kina May 30, 1966 te, couple duijun vows exchanged kuri shey ekta private ceremony te Ringgold, Georgia te. Taikhan shadi hoi kina, Dean toh public laka suku pra bahar te thaki shey, tai laka asphalt-paving business te focus kuri kina Nashville te. Tai limelight pra bahar thaki kina b, Dean toh Parton laka kam influenced kuribo leh continued kuri shey, notably taila classic hit ‘Jolene’ inspire kurina. Tai US media khan ke 2008 te koishey ki gana toh ekta banker laka thaki shey kun Dean laka opor te crush hoishey. Parton aro Dean laka relationship toh eman mystery thaki shey ki khota ola shuru hoishey tai toh exist nakureh koina aro Parton toh dhamali kuri thake.
Add Comment