Headlines • National

Domestic airfare limit toh November 24 tak thakibo; Aviation Ministry

July 24, 2020

Agencies, 24 July: Friday te Aviation Ministry koise, domestic airfares laga upper aro liwer limites toh November 24 tak othaideshe.

Aviation Ministry koise, “Ministry para May 21 te etu limit toh August 24 tak rakha thakise. Aji kali COVID-19 ;laga situation thaki thaka nemide, Central government para directs korise etu order toh 24th November, 2020 laga 2359 hrs tak nahoile agae order nadiya tak joli thakibole”.

Domestic passenger services toh May 25 te suru korise. Etu tui moina olob naponji kena coronavirus ola te fight koribole nemide bondh thaka bechide ase.

Aviation regulator DGCA para May 21 te seven bands of ticket pricing toh lower aro upper fare limits logode deya thakise. First such band te flights toh 40 minutes duration para opor nathaka te ase.

First band nemide lower aro upper fare limits toh Rs 2,000 aro Rs 6,000 ase.

Etu bechide bands toh flights durations 40-60 minutes, 60-90 minutes, 90-120 minutes, 120-150 minutes, 150-180 minutes aro 180-210 minutes nemide ase.

Etu bands laga lower aro upper limits- Rs 2,500-Rs 7,500; Rs 3,000-Rs 9,000; Rs 3,500-Rs 10,000; Rs 4,500-Rs 13,000; Rs 5,500-Rs 15,700 aro Rs 6,500-Rs 18,600 ase.