Donald Trump keh assassinate kuri bole koshish hui shae

July 14, 2024: Former US President Donald Trump olop para mura nai, Butler, Pennsylvania deh ekta campaign rally kura time deh. Goli mara manu tho 20 sal laka Thomas Crooks ase kui nah identify kuri shae. Crooks tho ekta manufacturing plant roof laka upor deh shots kan fire kuri shae. Jaka tho  118 meters dur taki shae, stage para, kuteh Trump taila supporters kan keh address kuri taki shae. Crooks laka tho Trump laka khan deh laki shae aro ekta innocent bystander keh murai di shae. Etu incident deh alak tuijun b bishi bia para jokom kai shae. Crooks para goli mara lokot Secret Service counter-sniper team para wapas mara tho headshot laki jai shae aro Crooks keh phat neutralize kuri di shae. Etu dramatic moment tho video deh duri bole pari shae. Trump thik taila address shuru kura time deh incident tho hua ase. Former president taila right khan keh duri taki shae aro khun b diki bo pari shae. Enaka hua time deh b, Trump taila crowd deh face kuri nah ekta hath uthai shae. “Muike goli mari shae aro goli tho muila right khan laka upper part deh laki shae,” Trump pata piche deh, Truth Social deh post kuri shae. Trump para etu hua time deh, taila khan deh awas huni taki shae kui shae aro bika b bikai taki shae kui shae. Authorities, FBI aro local law enforcement kan, Crooks, kile taike mura bole koshish kuri taki shae, etu investigate kuri ase. Ekta press conference deh, officials kan para shooting tho assassination laka koshish taki shae kui nah treat kuri ase kui shae.