Los Angeles, March 08: United States President Donald Trump tu Ukraine para bisi toh Moscow(Russia laga capital) ke support korey koikina kotha chulithaka majotey, Trump para Russia ke tariff(saman ana-loija kora te tax luwa) aro sanction(ban) lagu kuribole dhomki dikina ekta statement issue kurisey.
Friday din te tailaga Truth Social Platform te Trump para Russia para Ukraine ke kapza kora ke condemn koranai, kuntu ke United Nations Charter under te unjustified crime of aggression asey koikina condemn kurisey.
Trump para etu laga bodli te, Russia para bomb, missile aro dusra hathyar para hamla kora te focus kurisey, kuntu toh US para olop homoi nimitey Ukraine logotey military intelligence share kora tu rokhaidibo koikina announce kora laga olop din picheyte hoisey.
Trump para enaka likhisey, “Russia tu Ukraine ke etya war laga maidan te ekdam hamla kurithaka nimitey, ekta Cease Fire aro peace(shanti anibole) nimitey ekta final settlement agreement tak nupungcha taak Russia laga opor te Banking Sanction, Sanction aro Tariff lagu kuribole bhabna kuriasey.”
“Russia aro Ukraine tu etya-etya table te buhibi(discussion kuribole nimitey), bisi diri hobole ageyte. Thank yoy!!!”
Trump tu bar-bar Russia aro Ukraine majotey ekta “shanti anidiya” aro “kotha kuridiya” manu hobole laga maksat janaisey.
Russia tu February 2022 para Russia ke pura puri kapza kuribole kosis kuriasey.
Hoilebi Trump para Ukrain laga President Volodymyr Zelenskyy ke criticize kurikina Russia laga President Vladimir Putin tu behtar asey koikina koisey.
Friday te White House te huwa ekta news conference te Trump para koisey ki Ukraine para toh Russia logotey hey kotha kuribole asan asey.
Add Comment