Hanoi, February 21, 2026: U.S. laga President Donald Trump para Vietnam laga top leader khan ke koi she ki, tai agencies khan ke koi de bo, Vietnam ke list te para olai de bole, list te nam thakea khan ke U.S. technologies toh pabo le nadea. Vietnam laga government para enia announce kure she Saturday te. Friday te, Vietnam laga leader aro US laga leader lok pai she White House te, Mr. Lam inaugral meeting ja piche, Mr. Trump laga “Board of Peace” laga, kunto Washington te thake she.
Hanoi laga government website te koi she ki, Donald Trump para agencies khan ke koi de bo, Vietnam ke export control list para olai de bole karne. Duata country toh beshe dere karne trade laga opor te khota kure thake she, US laga supreme court para Mr. Trump laga tariffs khan toh illegal ase ko piche. Tinta Vietnam laga airlines para announce kure she ki tai khan $37 billion laga kine she, US aerospace companies khan logo te contract sign kurea piche.
Fledgling airline Sun PhuQuoc Airways khan para 40 Boeing’s 789 Dreamliners order kure she, aro etu sob laga dam toh $22.5 billion te ahea ase, aro national carrier Vietnam Airlines para $8.1 billion laga 50 Boeing 737-8 aircarft order kure she koi she. July te, Hanoi khan tariffs toh 40% para 20% te gere bole pare she Washington laga para, Hanoi khan U.S. saman khan market te kholai dea karne.
Add Comment