Donald Trump’s ‘Space Force’ de $12.9 bn estimate korise

Agencies, 18 September: Khobor jani-powah hesab de, President Donald Trump pora notun Space Force bonabole plan kora ke $12.9 billion nesana jabole hesab (estimate) korise. Etu par tai khan pora estimate kora janaideya toh first time hobo. August moina de White House pora etu Space Force bonabole plan janaideya thakise. Etu time de Defense Secretary Patrick Shanahan pora keman jabole ase tek janaideya nai. Hoilebe tai pora etu plan de billions toh jabole ase kowah thakise. Air Force Secretary Heather Wilson pora Sept. 14 de Air Force’s estimate limit kora thakise. Pentagon pora Congress logode kowah toh, 2020 Space Force headquarters jaga de authority aro poisa toh bonabole kowah thakise. Alag military service karni Space Force bonabole laga de congressional action lagibo. Administration khan biswas kori thaga toh, Space Force bonabo karni ahha sal pora legislation submit hoile phal hobo koi-kena biswas kori ase. Monday din The Associated Press pora Air Force memo laga copy toh powah thakise. Memo de koi-kena thaga hesab de, first sal de Space Force laga dum $3.3 billion hobole ase aro pura pas-sal de $12.9 billion hobole estimate kori kena ase.