Donlad Trump-Elon Musk interview: Joe Biden tho ‘vegetable stage’ osor deh ase

August 13, 2024: Former President Donald Trump, Elon Musk lokot deh ekta live interview lui shae, X deh. Etu interview lua time deh, Donald Trump para President Joe Biden tho “vegetable stage” osor deh ase kui shae. Biden tho presidential race para olai jai sha, taila health karne. “Beach deh mui taike dikis hae aro mui etu kui shae, kun taike allow kuri bo? Utu manu tho bira bole b dictar pai. Kun manu para taike allow kuri bo?” Trump para Biden laka kotha kuri shae, interview time deh. White House para hoile b, president tho taila sal karne resign kura nai kui shae. “Ekta recent video deh Biden, ekta beach chari keh hila taki shae. Etu video laka kotha kuri nah Trump para etu kui shae, Aro etu tho ekdum ridiculous ase. Tai etu tho bishi deri karne kuri ase. Apni chari keh utha bole napareh. Chari tho 85grams ase. Etu tho bacha aro bura manu kan karne ase aro tai etu b utha bole napareh. “ Musk para interview deh Kamala Harris keh b slam kuri shae, Biden para endorse kura piche deh ekta b interview nakura karne. “Taike lubo napari bo. Tai incompetent ase. Sob scam tho shuru hua piche deh, tai ekta b interview kura nai,” tai para kui shae.