Double Circuit Tower Toh Bhangi Kena Girishey, Pungro Town Osor Phaney

April 21, 2024 : Lekimro Hydro Electric Project para power di thaka toh itya bon hoi kena asey, itu Project laga 66KV Transmission Line Tower toh Saturday din tey giri jawa piche tey. Pungro Town osor tey thaka 66KV double circuit tower toh fujur 2:30 pm nishinatey, hawabishijurr para marikenagiraidisheykoishey. Eneka thakilebi itu department para jai kena sawa homoi tey dikhi kena janishey ki, itu tower laga kunba part khan toh hoiley harikena asey, kunba para chor kuriloi kena asey, aru tai khan para koishey itu kuria nimitey itu tower toh komjur hoi kena thaki kena, bhala para khara kuriboley para nai, aru itu nimitey he hawa mara homoitey girai dishey koishey. Koa hisap tey itu Tower toh hoiley Pungro town tey para 0.5 km durrtey asey arum anu utu tower osor tey jaboley dikdar jaga tey thakishey koishey, aru itu nimitey bana boley bhi dikdar hobo koishey, eneka thakilebi department para itu toh juldi he banai diboley laga assure kurishey, aru department para manu khan eneka tower laga part khan toh chor nakuriboley urge / request kurishey.