DIMAPUR, SEPTEMBER 10 : Nagaland laga Director General Police (DGP) Shri T J Longkumer, IPS toh darek 10, August moina, 2018 te Dimapur Police Commissionerate (DPC) laga Office te jaise. Etu time te tai Dimapur Police pora alak-alak bhal naam gaama bole bara (achievement) karne khushi baa janaide thakise. Etu oporte tai bi District Police laga adat aro neum ao kanoon toh kinika julai kena ahkete jabole kuribo etu kan laga bhal babuna janaide thakise koise.
Tai bi etu Office laga Officers aro Staffs kan ke lok kurikena kotha kurise. Aro tai kan ke tai pora sob motub kuribole aro bhal te mela-mele kurikena thakibole kuribo koi kena janaide thakise koise.
Etu DGP aha laga khushi pora kotha kurikena Commissioner of Police Dimapur, Shri Limasunep Jamir, IPS porabi etu Commissionerate Office kinika 2015 sal te suru-suru khola laga ase etu kan janaide thakise.
Etu DGP, Nagaland porabi Dimapur Police laga Website www.dimapurpolice.in. koi kena bi kholidese. Kele etu porahi Public manu kan nemite bhal hobo koi kena. Kele Public manu kan etu porahi chamala nemite naam aramse thalidebole baribo karne aro tusera ki-ki khobor kan janibole aro janaidebole karne bhal hobo koi kena.
Add Comment