Tuensang, 7 August 2025: District Planning aro Development Board (DPDB) Tuensang laga meeting August month karone 7th August 2025 te District Commissioner Office, Tuensang laga Conference Hall te lui she, Deputy Commissioner aro DPDB Vice-Chairman Tuensang, Lithrongla Tongpi Rutsa laga chairmanship under te.
Last month meeting laga minutes review kura pichi te, Board ekta pledge loi she 5th Anniversary of Nasha Mukti Bharat Abhiyan ke commemorate kuri bole. Department laga activities upor te PowerPoint presentation tu SDO (Forest) aro Community Radio Station (CRS) Tuensang para present kuri she. House te 79th Independence Day celebration karone agay te kaam ki ki dibo lage, etu bhi discuss kuri she. DC aro Vice-Chairman tu District te thaka HoO (Head of Offices) aro subordinate staff khan ke request kuri she, district public service karone station te thakibo. Meeting te District Commandant, Home Guard & Civil Defence, Lidila Jinger aro Principal ETC (SIRD), Dr. Juthsutho Phogi ke member laga hisab te welcome kuri she. Next meeting karone, Power Department Tuensang ke departmental activities present kuri bole responsibility de deshe
Add Comment