DR Congo jail para 900 manuh bolaishe

October 20, 2020. Eastern Democratic Republic of Congo laga Beni City para 900 jail te thaka manuh khan bolai jaishe. Suspect kora te Islamist rebels khan para jail manuh boha chaka toh hamla kora bechete ase koikena officials para junai thishe. Allied Defence Forces (ADF) para tai khan laga manuh ke jariboli nemite thakishe, etu khobor toh mayor para koishe. Etai kali 1000 manuh khan Kangbayi jail te ase, mayor aro koishe. ADF toh 1996 saa te bonaishe. Tai khan para osor Uganda te Muslims logot kelaaf kora para larai koriboli nemite olaishe. Tai khan chaka Rwenzori Mountains te thaka Ugandan military para hatai deya nemite eastern DR Congo te anishe. Etu groups khan para hamla kora oper te aro khobor eku nakoikena ase. Beni laga mayor Modeste Bakwanamaha para Reuters news agency logot koishe ke, hamla kora manuh khan besi ahikena aro jail laga dooja toh electric machine para kolishe koishe. UN-backed Radio Okapi koishe ke, jail pithir te 1,455 manuh thaka te kali 122 manuh ekla hoishe. Police para bolai jaa manuh 14 jun ke thurishe aro besarai samay tui(2) logot toh bantok para mari thishe. Etu howa toh 04:30 samay thakishe, koikena police para Twitter te koishe. 2017 saal te, etu jail para he 100 jail te thaka manuh bolaboli parishe. Eastern DR Congo chaka te Pithor manuh groups besi thaka te ADF khan be ekta ase koishe.