December 11, 2023 : Dr. Gao Yaojie para toh hoiley exposed kurishey, keneka business khan khoon khan bikai para toh HIV toh spread hoi asey, China laga bosti jaga khan tey.
China laga doctor Gao Jaojie, kun ke toh hoiley itu AIDS epidemic expose kuria manu koi kena jani pai thakey, itu country laga rural jaga khan tey, tai toh 95 saal laga age tey para murishey koi asey. Yaojie toh hoiley gynaecologist asey, tai laga training hisap tey aru doctors khan majetey poila manu asey AIDS epidemic laga against tey campaign spearhead kuria toh, China tey.
Yaojie para toh hoiley expose kurishey, keneka, business khan toh khoon bikai thaki kena, rural jaga khan tey HIV spread kurishey, China tey. BBC para report diya laga hisap tey, khoon bika toh hoiley ekta common practice asey, rural China tey, especially itu Henan province tey, itu 1980s aru 1990s tey.
Garib farming community khan engage thakishey koi asey, tai khan laga khoon bikaboley, khaboley pindiboley.
Eneka thakilebi, itu practice toh hoiley bhal para monitor nakuri kena thakihey koishey, aru bishi bhak, khoon khan toh hoiley, HIV+ patients khan para loi thakishey koishey.
Add Comment