Nagaland

Dr, Neiphiu Rio Para 25th Death Anniversary Join Kurishey, Lt. Vamuzo Laga, Yorüba Tey

12 months ago

March 22, 2025, 06:29 PM: Chief Minister, Dr Neiphiu Rio para itu 25th death anniversary join kurishey, late Vamuzo laga (kun toh hoiley Nagaland laga former Chief Minister thakishey 19.06.1990 – 02.04.1992 tak laga) itu event toh hoiley Vamuzo Memorial Trust aru Chozuba Range Public Organisation para organize kurishey, Yorüba village, Phek laga local ground tey, kunba 70 km durr nishina, capital Kohima tey para, 22nd March, 2025 tey.

Dr. Neiphiu Rio para koishey, tai Vamuzo ke 1974 para jani pai thakishey, kitya tai nijey ekta youth leader thakishey. Tai para koishey ki, tai toh hoiley integrity bukha manu ekta thakishey aru tai logotey kaam kuriboley ekta peaceful environment thakishey. Tai para aru koishey ki, Vamuzo laga legacy toh hoiley itya bhi fresh para zinda asey, itu VDB  aru Compact Area Development para, osol toh itu economical para komjur thaka section nimitey. Tai para state kurishey ki, Vamuzo toh hoiley ekta vision thaka leader ekta thakishey, hosa laga principle khan thaki kena. Tai para Sano Vamuzo ( kun toh hoiley lt. Vamuzo laga maiki asey) kearu tai laga parivar ke itu society karney continue contribute kuri thakiboley koishey aha din khan tey bhi. Itu Chief Minister para tatey jama kuria manu khan ke itu state toh unique thaka ke dhuri kena rakhiboley karney appeal kurishey.

Nagaland laga former Chief Minister – Dr. Shürhozelie Liezietsü para bhi itu occasion tey kotha kurishey, aru tai manu khan ke Vamuzo para bhal kaam kuria ke yaad rakhiboley koishey aru manu khan sob ke bhal kaam kuri thakiboley urge kurishey, Vamuzo laga remembrance tey.

Former minister – I. Imkong bhi kotha kuri kena, tai para Vamuzo ke ekta decisive leader asey koishey, resourceful quality khan thaka laga. Tai para aru koishey ki, itu Hotel Japfü project toh hoiley Vamuzo Chief Minister thaka homoi tey initiate kuria laga thakishey.

MLA, Achumbemo Kikon bhi itu occasion tey kotha kurishey. Nagaland Public Service Commission laga former Chairman – Zapra Chakhesang para ekta brief initiative present kurishey aru Vamuzo laga achievement, itu state karney contribute kuria laga present kurishey.

Lt. Vamuzo laga maiki- Sano Vamuzo para tai laga gratitude express kurishey, tai tai-laga mota logotey homoi thaka laga. Tai para sob manu khan ke thanks janaishey, kun khan continue Vamuzo laga memory toh uphold kuri kena thaki asey. CPO laga president – Vezϋhϋ Keyho; social activist – Niketu Iralu aru Yorϋba laga Head GB – Mϋdihi Lohe para speech khan deliver kurishey.

Vamuzo laga chukri (bacha) para ekta ganna present kurishey “Puo Ciekhrie Zo Rei Mehoya” koi kena, kuntu toh hoiley tai laga funeral tey ganna kuria laga thakishey.

Itu death anniversary programme tey, School Education & SCERT laga Advisor – Dr Kekhrielhoulie Yhome; New & Renewable Energy aru NSDMA nimitey Advisor – Z. Nyusietho Nyuthe, government official khan, public leader khan aru osor bosti laga citizen khan, itu event tey attend kurishey.