August 16, 2025, 05:46 PM: Itu 24th inter-district Dr. T. Ao Trophy laga Closing ceremony, itu 79th Independence Day logotey coincide kuri kena, itu event loishey, Indira Gandhi stadium, Kohima tey, 15th August 2025 tey.
Chief Minister, Dr. Neiphiu Rio para itu occasion grace kurishey, tatey special guest hisap buhishey, state kurishey ki, Dr. T. Ao toh hoiley toh hoiley ekta legendary footballer thaki kena ahishey, Nagaland para, tai toh hoiley captain kurishey, itu Indian football team ke, aru itu London Olympics, 1948 tey. Tai para state kurishey ki Ao toh hoiley ekta discipline thaka, humble thaka aru mehnat kuria laga sports person thakishey, kun toh hoiley tai laga field tey excel hoa laga thakishey aru Dr Rio para tatey jama kuria manu khan ke itu spirit hoboley zinda rakhiboley koishey aru bishi agey bariboley koishey. Tai para player khan ke fair para khiliboley koishey, itu sportsmanship laga spirit rakhiboley.
Itu Chief Minister para mention kurishey kurishey ki, itu Dr. T Ao laga 24th edition, itu tournament toh hoiley lamba homoi para yaad tey rakhibo, aru itu toh hoiley generation khan ke inspire kuribo, itu sportsmanship, unity laga value khan agey loi jaboley aru sports khan tey excel hobo pariboley.
Tai para assure kurishey ki, itu Government toh hoiley committed asey, sport khan promote kuriboley aru jawan talent khan ke train kuriboley, itu state laga.
Kohima laga Deputy Commissioner – B. Henok Buchem para gratitude laga kotha express kurishey, aru Ace Crew aru Divine Connection laga Obed Kath para special performance display kurishey.
Final Match tey, Mon district para Niuland district ke harai dishey, penalty khan tey para. Itu match 1-1 tey khotom hoa pichetey, Mon para trophy ghor loi jaishey, 5-4 para penalty jeeti kena.
Add Comment