Dr. Neiphiu Rio Para Konyak Heritage Complex Inauguration-Cum-Konyak Aoleng Monyu 2025 Grace Kurishey

April 06, 2025, 05:55 PM: Chief Minister – Dr. Neiphiu Rio para Konyak Heritage Complex Inauguration-Cum-Konyak Aoleang Monyu 2025 grace kurishey. North Eastern Region laga Education & Development nimitey Union Minister, India laga Government – Dr. Sukanta Majumdar toh hoiley tatey Honoured Guest thakishey. Aru Forest, Environment & Climate Change  Village Guards laga Minister – C L John tatey Chief Host thakishey. Dr. Rio para itu sob Civil Society khan aru Mon laga Deputy Commissioner – Ajit Kumar Verma, para head kuria laga Leangha Village ke thanks janaishey, tai khan laga cooperation nimitey, itu complex toh successful para complete kuriboley para nimitey. Tai para koishey, ki itu complex toh hoiley DUDA ke di diboley asey, ekta Government Agency hisap tey, hoilebi tai para manu khan ke itu complex ke bhal para maintain kuriboley request kurishey. Tai para manu khan ke bachai kena rakhiboley, preserve kuriboley aru promote kuriboley encourage kurishey. Tai para manu khan ke tai khan nijey opor tey shikhiboley koishey, tai khan laga customary law khan aru tai khan laga ancestor khan ke yaad kuriboley koishey, itu festival celebrate kuria homoi tey, shanti aru unity logotey. Tai para maiki khan laga kaam kuria laga hostel aru Konyak Union Office construct kuriboley kosom khaishey, itu Konyak Heritage Complex Site tey. Honoured Guest – Dr. Sukanta Majumdar kuntu toh hoiley Union Minister asey, state laga, Education & Development nimitey, North Eastern Region laga. Tai para tai laga address tey koishey, ki, tai toh hoiley itu programme laga part thakiboley pawa nimitey bishi khushi asey. Ekta sundur tradition aru culture witness kuria nimitey, itu Konyak tribe laga.  Itu programme toh hoiley KU President, Tingtok Konyak para welcome address deliver kurishey aru Y. Chingwang Wangsa, Convenor, Konyak Aoleang Committee para vote of thanks dishey.