Dr. Rüüzeno Ke Sushruta Award Dishey, Academic Excellence Nimitey

October 27, 2024, 06:48 PM : Itu medical community aru itu Naga manu  nimitey ekta significant achievement thaki kena, Dr. Rüüzeno Kuotsu kun toh hoiley ekta aster of Surgery (MS) asey, ENT tey, AIIMS Raipur para, tai ke toh hoiley itu prestigious Sushruta Award logotey honour kurishey, academic excellence nimitey. Itu award toh hoiley India laga President – Droupadi Murmu para present kurishey, Dr. Kuotsu’s outstanding performance laga recognition tey, kotey tai top position tey secure kurishey, tai laga field tey. Itu Sushruta Awards toh hoiley 2018 tey establish kuria laga takishey, manu khan ke recognize kuriboley aim kuri kena kun khan toh hoiley notable contribution kuri kena asey, itu health sector tey.Sushruta pichetey naam rakhi kena, ekta ancient Indian physician aru surgeon, tai ke bishi bhak toh “Father of Plastic Surgery,” koi kena bhi koi thakishey, itu award toh hoiley excellence celebrate kurey, medical practice aru education tey. Dr. Kuotsu kun toh hoiley Vicha Kuotsu laga bacha asey, tai toh hoiley Tsiepama village laga asey, tai para toh hoiley aru bhi ekta pankha dhali dishey Naga manu khan laga cap tey, medicine laga field tey.