Kohina,Nagaland 04 Sep 2025: MLA Dr. Tseilhoutuo Rhutso, 4th September 2025 te 14th NLA laga Seventh Session second day Zero Hour te, state laga Reservation Policy uthaishe.
Tai koishe ki, policy bishi sal pra thaka nohoile bhi, bishi underprivileged aro voiceless manu AT (Advanced Tribe) aro BT (Backward Tribe) majo thaka khan, chance aro resource pa nai social development karne.
Dr. Rhutso observe korishe ki 48 year implement kora piche bhi, benefit bishi Advanced aruourban elite khan—“creamy layer”—paishe, aro policy laga asli objective weak section karne thaka nohoi. Tai government ke urge korishe ki policy review koribo lage, jate AT aro BT duijon majot thaka weaker section khan ke support aru equal opportunity diya .
Tai laga suggestion khan: Duita category introduce koribo – General Category (GC) AT aru BT creamy layer karone, aru Reserved Category (RC) underprivileged section karone. Criteria clear government pora dibo lage. GC 50% aru RC 50% reservation hobo. Applicant khan GC nohoile RC te jabole decide koribole paribo. GC nimite minimal scrutiny, RC nimite declaration bond sign koribo lage. AT aru BT duijon nijor category bhitor sub-reservation rakhibo pare. NSSB aru NPSC result merit hisap pora declare koribo, kintu 50/50 GC aru RC distribute koribo. Jodi reserved seat ekta tribe pora fill nohoi, alak tribe ke dibo, jate qualified candidate deprived nohoi aru overage case nohoile. Ek ek manu lifetime te ekbar he Reservation benefit lobole paribo. Professional service job (NPSC/NSSB) nimite Reservation applicable nohoile jodi candidate RC quota benefit lobole pare (JEE, NEET, technical admission etc. te).
Add Comment