Drainage Condition Dimapur Tey, Biya Para Biya Hoi Jai Asey, Din Din Para

June 16, 2024 : Dimapur toh hoiley commercial hub koi kena jani pai thakey, Nagaland laga, kotey major problem khan face kurey, itu public khan, itu drainage system laga related tey, waste management aru poor road condition khan thaki kena. Report loa homoi tey dikhiboley parishey ki, Itu bishi drain khan toh hoiley non- biodegradable waste khan para phasi kena thaka laga. Moi khan sob jani kena asey, ki, itu ULB laga election toh hoiley osor osor ahi asey, itu candidate khan para kosom khaishey, tai khan laga speech khan tey, ki, tai khan toh hoiley itu society laga bhal nimitey kaam kuribo koi kena, aru development anibo koi kena, tai khan laga respective ward khan tey. Itya homoi ahi jaishey itu saboley tai khan apra eneka kosom khawa toh hosa para bhi kaam toh kuriboley asey na nai.