India, 15 May 2025: Defence Research & Development Organisation (DRDO) pora successfully indigenous nanoporous multilayered polymeric membrane develop kurise, high pressure sea water desalination karone. Defence Materials Stores and Research & Development Establishment (DMSRDE), juntu DRDO laga Kanpur te thaka laboratory ase, tai khan etu technology develop kurise desalination plant karone juntu Indian Coast Guard (ICG) laga ship khan te use hobo, specially tai khan laga operational requirement hisap te, chloride ion thaka saline water logot expose hoa time te stability maintain kuribole serious challenge face kuribole. Etu development to aat mahina majotte complete kurise, juntu ekta record time ase.
DMSRDE aru ICG milikena initial technical trial bhi successfully complete kurise, juntu ICG laga Offshore Patrolling Vessel (OPV) te existing desalination plant opor test kurise. Polymeric membrane laga initial safety aru performance trial bhi fully satisfactory paise. Final operational clearance to ICG para dibo, 500 hours operational testing complete hoa pichete.
Etya tak, etu unit to OPV opor testing aru trial phase te ase. Etu membrane to thik modify kurile, coastal area te sea water desalination karone ekta bhal support hobo. Etu development to DMSRDE para Aatmanirbhar Bharat laga journey te ekta dangor step ase.
Add Comment