Drone para oil depot te hamal kure kena jui shuru kure she western Russia te

January 24, 2026: Region laga governor para koi she ki, ekta drone para oil depot te hamla kure she western Russian city, Penza te, aro jui shuru kure de she. Social media te kumba video te dekhe bole pare she, jui lamba hoi kena oil depot para olai kena, kunto 618 km dur ase front line para. Officials khan para toh etu drone kute para ahe she etu toh koi nai, hoile be Russia laga Defence Ministry para koi she ki tai khan laga air defence para 12 Ukraine laga drone gerai de she rati te, ekta toh Penza laga region te. Ukraine kun Russia laga energy infrastructure khan te hamla kurea ase char sal laga war te. Ukraine laga sosta drone para Russian laga oil aro gas facilities laga billion dollars neshe laga bea kure de she. Kyiv para koi she etu hamla toh fair ase, Russian khan be tai khan laga enrgy system te hamla kurea karne. Russian khan Ukraine laga energy grid khan te hamla kure kena, manu beshe khan ke light aro gorom pabole de nai, enia thanda season homoi.