NEW YORK: Thursday din te Department of Justice koishe Mexican drug kingpin Joaquin “El Chapo” Guzman laga duita chokora khan khilaf te charges lagaishe. Tai khan duijon bhi Mexico te polai jai kena ase. US authorities khan para tai khan khilaf te drug trafficking laga charges lagai kena ase.
Mexican drug kingpin Joaquin “El Chapo” Guzman laga ekta chokora laga naam toh Joaquin Guzman Lopez ase aro tai laga umar toh 34 years ase aro dusra chokora laga naam toh Ovidio Guzman Lopez ase. Tai laga umar toh 28-year ase. Tai khan khilaf te jua saal cocaine, marijuana aro methamphetamine distribute kura laga inzam ase. Tai khan toh Mexico aro dusra desh aro US te 2008 aro 2018 majote distribute kuri thakishe.
Tai khan khilaf te etu charges laga toh Thursday din te reveal kurishe. Etu toh juwa hafta he unseal kurishe Etu toh investigation aro witnesses bachabole nimite kurishe.
Judi tai khan toh doshi thaka paile toh komti hoile bhi tai khan bis saal jail hubo nohoile bhi jeevan pura jail laga saza pabo.
Etu moina agote he El Chapo toh US te 130 tons drug ana nimite doshi paishe. Tai ke New York jury para saza dishe. El Chapo toh jeevan pura jail te thakibole ase. tai laga saza toh june 25 te hunabole ase.
Add Comment