November 29, 2024: Grammy-award winning singer, Dua Lipa, India deh ahi nah ase, taila highly anticipated musical performance laka agae deh, kuto Mumbai deh ase. Tai airport deh aha time deh, paparazzi para taike greet kuri shae, kun kan para jokes kui nah taike welcome kuri shae.
Thursday din deh, tai Mumbai laka private airport keh chari dia diki shae. Tai tho ekta loose yellow shirt aro kala pajamas laka diki shae. Dua tho airport jaka keh chara time deh, taikarne ekta dangor cheer olai shae. Photographers kan tai karne hala kuri taki shae.
Dua Lipa tho gari karne jah time deh, paparazzi para taila nam mati shae. Hoile b tai ruka nai aro direct gari deh gusi shae. Taikan para “Dua Dua Dua mein yaad rakha” kui nah taike tease kuri shae. Najana manu kan karne, etu tho ekta famous gana Channa Mereya laka ekta line para ase. Etu gana tho Arijjit Singh para kuri shae, Ae Dil Hai Mushkil film karne.
Dua tho country deh ahi nah ase, Zomato Feeding India Concert (ZFIC) 2024 laka second edition keh headline kuri bole. Etu concert tho November 30 din deh hobo leh ase, MMRDA, BKC jaka, Mumbai deh. Zomato Feeding India Concert tho ekta community-driven initiative ase, 2030 sal para Zro hunger laka Sustainable Development Goal achieve kuri bo karne.
Add Comment