Dubai: Duniyaa te sobse tangor fountain kulibo ase

October 5, 2020. Guinness World Record bonabo nemite, Dubai para duniyaa te sobse tangor fountain October 22 darik te koliboli ase koishe. Fountain toh lifestyle aro dining destination Pointe te hobo aro etu 14,000 sq ft paani thakina, super shooter toh 105 emter ocha te 3,000 oper LED lights thakibo koishe. Omar Khoory laga managing director, Nakheel Malls para koishe ke, “ami khan etu kam hoboli sai ase aro etu para Pointe te thaka customers, Palm Jumeirah laga manuh khan, retailers, tourists aro chaka sob laga manuh khan ke kushi ani thibo. Dubai Festivals aro Retail Establishment (DFRE) laga CEO, Ahmed Al Khaja koishe ke, Palm Fountain toh aro ekta Dubai laga list te world-famous landmarks shamil korishe, aro etu para manuh khan aro dorusa desh manuh ke tangor kushi koro thibo. Palm Fountain te 20 bespoke shows thakibo, aro hotai 5 alag shows toh sham aro rati (5pm para 12 am) dak thakibo, aro etu samay popular songs neshina Khaleeji, pop, classic, international aro dusora khan be thakibo koishe. Sob show toh 3 minute thakibo aro etu hotai 30 minutes  pithor te kori thakibo. Beijing Water Design Technology laga chairman Xin Su para koishe ke, Palm Fountain para bona aro kam te “etu design te part loboli toh besi kushi ase, aro etu China laga sobse tangor fountain specialists ase. Senior marketing manager–MENA, Guinness World Records (GWR), Shaddy Gaad para koishe ke, fountain toh Dubai laga list te tangor shamil ase koishe. “GWR toh sobse tangor fountain verify kora ase aro ami khan para sai as eke, etu world-class landmark toh officially junai thibo” koikena Gaad para koishe.