November 01, 2024, 04:37 PM : Itu dui-din laga celebration, Chaga Gadi Cum Mini Hornbill laga festival khotom hoishey, kuntu toh hoiley ‘Celebrating our Roots’ laga theme under tey loa laga thakishey, Nzau village tey, Tening subdivision under tey, Peren laga, 31st October, 2024 tey, Deputy Chief Minister, Planning aru Transformation & National Highway – TR. Zeliang aru Tourism & Higher Education nimitey Minister – Temjen Imna Along tatey special guest buhi kena.
Itu jama kuria khan ke address kuri kena, Minister, Imna Along para itya laga present government ke naam uthai disheym itu CM, Neiphiu Rio aru Dy. CM, TR. Zeliang laga leader under tey aru Y. Patton laga under tey, itu Tourism laga Department toh hoiley privilege paishey, itu Chaga Gadi celebration tey participate kuriboley karney, kuntu toh hoiley Zeliang community laga ekta dangor festival asey.
Tai para itu manu khan ke encourage kurishey, khushi banaboley aru ek jon ek jon ke appreciate kuriboley koishey, culture, tradition khan, religion khan aru jeevan laga tarika para. Along para itu rich culture & traditional heritage laga preserve kuriboley koishey aru eke thaka laga spirit prevail kuriboley koishey, itu community majetey.
Add Comment