KOLKATA: Senior Police officer koishe Jamaat-ul-Mujahideen Bangladesh (JMB) laga duita members ke arrest kurishe. Khobor hesab te arrest huwa duijon manu logote para olop explosive material khan paishe koishe. Jamaat-ul-Mujahideen Bangladesh (JMB) laga duita members ke West Bengal laga Murshidabad district para arrest kurishe.
Official koishe arrest huwa duita manu khan laga naam toh Moshibur Rahman (35) alias Farooque aro Ruhul Amin alias Saifullah (26) ase. Police para tai khan ke Tuesday rati te arrest kurishe.
Senior official para news agency PTI ke koishe Moshibur aro Ruhul duijon bhi Murshidabad district te thaka manu khan ase. Aro tai khan toh JMB laga ekdam active members ase.
Offical koishe etu duita accused khan toh Kauser aro Sajjad laga associate ase. Sajjad aro Kauser ke police khan para January 29 te arrest kurishe. Tai khan toh 2014 Burdwan blast case te haath thakishe.
October 2, 2014 te Burdwan district, Khagragarh laga ekta ghor te blast hoishe. Etu ghatna te duita manu murishe.
Jua saal January 19 te Bihar Bodh Gaya te low-intensity bomb phutishe. Etu ghatna toh Tibetan spiritual leader Dalai Lama toh Mahabodhi temple te tai laga sermon khotom kura pichete hoishe.
Add Comment