Duita sathi kan bike stunts perform kurina reels bona time deh gari para lagina murishey

Rajasthan, Sep 22: Duita sathi kan Rajasthan Alwar deh ekta fatal accident deh taijun laga jaan jaijaishey, ekta reel shoot kura time deh. Taikan toh bike stunts kan kurina reels kan shoot kura time  deh etu ghatna toh hoishey koina koishey police para Saturday deh. Chokra kan toh head-on near railway culvert, Rajgarh Industrial Area deh located thaka deh cholai thakishey. Collision toh bishi intense thakishey ki tadey laga ekta mota, naam toh Nishant Saini spot deh murishey, aro alag manu ekra Deepak Saini toh Rajgarh hospital deh loi jaishey. Initial treatment peche deh Deepak ke Jaipur referred kuridishey. Hoilibi, tai ekta transit deh murijaishey. Car driver toh spot para polai jaishe, tai laga gari ke tadey charina, police kan para koishey. Thik accident noha laga time deh taikan toh bike deh khara kurina reels kan shoot kuri thakishey. Bike toh suddenly control laga bahar hoi jaishey aro gari logot lagishey other side para ahi thaka ke, police officials para koishey. Both deceased youths laga body ke taikan laga respective families kan ke handover kuridishey post mortem peche deh, tai para add kurishey. Meanwhile, ekta case registered hoishey car driver laga against, victim kan laga family para complaints diya peche deh aro ekta investigation launched kurishey. Notably, Nishant aro Deepak toh sathi kan thakishey aro taijun toh milina social media reels bonai thakishey. Taikan laga bishi bhag reels toh social media deh available ase aro taikan toh past deh viral bi hoishey leh. Taikan laga bishi bhak videos kan toh bike stunts kan laga thakishey.